Увс аймгийн МАН-ын дарга на­­­­рын авлигын гэмт хэргийн та­­­­­­лаар тус аймгийн Засаг дарга асан Д.Цэнд­­­­­­сүрэн мэдээлэл хийлээ.

   Тэрбээр “Намайг хулгай хийсэн хөрөнгөө Өмнөговь аймагт нуусан, Завхан аймгийн Сонгино сумаас Тосонцэнгэл рүү чиглэсэн автозамын ажлыг хятадуудтай нийлж завшсан гэж гүтгэсэн. Н.Алтанхуягийн Засгийн газрын үед Увс аймгийн Хяргас нуурын үзүүрийн булгаас Сонгино чиглэл рүү 135 км автозам, Сонгиноос Тосонцэнгэл чиглэлийн 168 км-ийн авто замын концессын гэрээ 2014 онд байгуулсан. Энэ нь Засгийн газрын эрхлэх ажил. 2012 онд аймгийн даргаар сонгогдохдоо өөрийн томилсон албан тушаалтнуудад хандан авлига хээл хахуулийн хэрэгт орооцолдох, ах дүүгээ төрийн албанд авах тухай хатуу анхааруулсан. 2016 онд ажлаа өгсөн. Өнөөдөр надтай холбож гүтгэлгийн шинж чанартай зүйлүүдийг системтэйгээр цацаж байна. Би АТГ шалгуулахад бэлэн байна. Увс аймгийн МАН-ын даргын үүрэг гүйцэтгэгч С.Батжаргал, УИХ-ын гишүүн Ч.Хүрэлбаатар нартай хамт  шалгуулъя. Сүүлийн 10 жилийн хугацаанд УИХ-ын гишүүн Ч.Хүрэлбаатарын дээрэмчид Увс аймгийг тонон дээрэмдэж дууслаа. Ямар нэгэн бүтээн байгуулалтын цаана заавал авлига, хээл хахууль байдаг" гэлээ.