АН-ын гишүүн, БНХАУ-ын Хөх хотын Ерөнхий консул асан Д.Мөнх-эрдэнэ өчигдөр 7-30 хоног баривчлагдахаар болсон тухайгаа олон нийтэд ил болгон. Энэ талаар түүнээс тодруулахад тэрбээр “Гадаад харилцааны яамны Төрийн нарийн бичгийн дарга Н.Анхбаяр “Намайг ажлаа хийх боломж олгоогүй” хэмээн шүүхэд гомдол гаргасан байна. Торгуулийн ял авсан бол прокурорын түвшинд шийдэгддэг. Харин Зөрчлийн хуулийн 1-30 хоногийн баривчилгаа шүүх рүү шилжиж, шүүх хуралдаан зарладаг юм байна. Тиймээс намайг прокуророос хорих саналтайгаар шүүх рүү шилжүүлсэн. Би 30 хоногийн ял авахгүйн тулд 2-3 өмгөөлөгчтэй орно. Нэг өмгөөлөгч нь хэргийн материалтай танилцаж шүүх хурал долоо хоногоор хойшилсон. 30 жил монголчуудыг гуйлгачин царайлуулж байгаа эрх баригчдын 30 хоногийн баривчилгаанаас айхгүй байна” гэлээ.