“Шинэ сэргэлтийн бодлогыг орон нутагт хэрэгжүүлэх нь” сэдвийн хүрээнд Ерөнхий сайд 21 аймгийн ИХТ нартай уулзсан билээ. Энэ үеэр Ерөнхий сайд Л.Оюун-Эрдэнэ “Аймгуудад шинэ сэргэлтийн бодлогыг сурталчилж, Баян-Өлгий аймгаас эхлэн албан ёсны уулзалт хийнэ. Ингэхдээ төслийг орон нутагт яаж хэрэгжүүлэх , аймгуудын хөгжлийг хязгаарлаж байгаа хүчин зүйл нь юу вэ гэдгийг ойлгож ажиллана. Энэ жил бүх аймгаар тойрох төлөвлөгөөтэй байгаа. Шинэ сэргэлтийн бодлогын хүрээнд  хот, хөдөөгийн ялгааг арилгахад та бидний оролцоо чухал. Манай улсын бүтэн байгуулалтын ажил цагаан сарын шинийн гурванд жигд эхэлдэг баймаар байна. Улсын хэмжээнд 713 төсөл, тендер зарласан. Энэ одоогоор 48 хувийн гүйцэтгэлтэй байна. Худалдан авах ажиллагааг цаг тухайд нь зохион байгуулж чадаагүй гурван яам, гурван орон нутгийг ирэх жил төсвөөс нь хасна. Мөн орон нутагт тендер үлдээхгүй бүгдийг нь татна. Харин худалдан авах ажиллагааг сайн зохион байгуулсан гурван яам, орон нутгийн удирдлагыг ирэх жил урамшуулна. Мөн тавдугаар сараас бүх иргэдийг эрүүл мэндийн үзлэгт хамруулна. Тиймээс аймгийн Засаг дарга нар сум орон нутаг, багтаа тус ажлыг зохион байгуулахад анхаараарай” гэв.