Энэ оны нэгдүгээр сарын 1-ээс айл, өрх албан байгууллага хэрэглээний халуун, хүйтэн ус, халаалтын мөнгөө өөрсдөө төлж эхэлсэн. Мөн  литр усны үнэ нэг төгрөг 10 мөнгө байсныг нэг төгрөг 60 мөнгө болгож 50 мөнгөөр нэмсэн билээ. Үүнтэй холбоотойгоор "Хэрэглэгчдэд үйлчлэх төв-4"-өөс "Оршин суугчдыг ус, дулааны төлбөрөө цаг хугацаанд нь төлөөгүй тохиолдолд Монгол банкны зээлийн мэдээллийн санд бүртгэнэ" гэх агуулгатай мэдэгдлийг иргэдэд тараажээ.

    Харин Монгол банкны Зээлийн мэдээллийн албанаас “Ус, дулааны төлбөрөө цаг тухайд нь төлөөгүй айлыг Монгол банкны зээлийн мэдээллийн санд бүртгэх ямар нэгэн тушаал шийдвэр, журам, захирамж гараагүй гэдгийг хариуцлагатайгаар мэдэгдье” гэжээ.