Монголын үндэсний олимпын хорооны удирдлагууд Олон улсын олимпын хороод болон Эв санааны нэгдлийг хариуцсан захирал Жеймс Маклеод, Үндэсний олимпын хорооны төлөөлөл захирал Жероме Поуэ нартай уулзаж, хамтран ажиллах тухай зөвшилцжээ.

      Уг уулзалтаар Монголын үндэсний олимпын хороо нь байгууллагын гадаад харилцаагаа өргөжүүлэх тал дээр анхаарч, олон улсын хурал, сургалтыг Улаанбаатар хотод зохион байгуулах хүсэлтээ байгаагаа илэрхийлж, цаг үеийн бусад асуудлаар санал солилцсон байна. Хамтын ажиллагааны үеэр  Олон улсын олимпын хорооны Соёлын өвийг хамгаалах сангаас “Бээжин-2022” олимпын наадмын нээлтэд өмссөн тамирчин Б.Ачбадрахын үндэсний дээл, малгайг Швейцар улсын Лозанн хотноо байрлах ОУОХ-ны Олимпын музейд хандивлах хүсэлтийг тавьж, хэлэлцэн шийдвэрлэсэн байна. Дээрх шийдвэрээс үндэслэн манай улсын тамирчин Б.Ачбадрах хаалтын ёслолд дээлээ өмсөөд маргааш нь Олимпын музейд хүлээлгэн өгөхөөр тохиролцжээ.