Монголчуудын өнө эртний түүхтэй үндэсний уламжлалт спортыг хөгжүүлэх, ёс заншил, соёлын өвийг залууст өвлүүлэх зорилгыг агуулсан Үндэсний өвлийн спортын VII наадмын тов гарсан талаар бид өмнө нь мэдээлсэн. Тус наадмын өвлийн төрлийн тэмцээнүүд хоёрдугаар сарын 18-20-нд Улаанбаатар хотноо зохион байгуулагдана. Мөсний шагайн харваа болон мөсөн сур харвааны төрлийн шигшээ тэмцээнүүдэд 21 аймаг, есөн дүүргээс шалгарсан шилдэг тамирчид цэц мэргэнээ сорин өрсөлдөнө.