Монгол Улсын Ерөнхий сайд өчигдөр “Олон улсын зорчих хөдөлгөөнд бүрэн нээлттэй улс болж, эрсдэлийн шар түвшинд шилжсэн” гэдгийг албан ёсоор мэдэгдсэн. Харин Нийслэлийн Засаг дарга бөгөөд Улаанбаатар хотын дарга Д.Сумъяабазар “Цар тахлын үед бүх үйлчилгээ 00:00 цагт зогсох захирамжийг хүчингүй болгож, сар бүрийн 1-нд согтууруулах ундаа худалдахыг хориглосон захирамжийг хүчингүй болгосон байна. Мөн зориулалтын байртай ресторан, баар, кафе 05:00 цаг хүртэл ажиллаж болно. Зориулалтын байртай дэлгүүр, хоолны газрууд 24 цагаар ажиллаж болно” гэх захирамж гаргажээ.