Цагдаагийн байгууллагаас "Мал мах" 61 хоногийн нэгдсэн арга хэмжээний хүрээнд мал хулгайлах 220 гэмт хэргийг илрүүлж, нутаг дэвсгэр хариуцсан цагдаагийн байгууллагаас эрэн сурвалжлах санд мал хулгайлах гэмт хэрэгт эрэн сурвалжлагдсан 12 оргодол, гэмт хэрэгт сэрдэгдсэн 66 этгээдийг олж тогтоосон талаар ЦЕГ-ын Урьдчилан сэргийлэх хэлтсийн ахлах мэргэжилтэн, цагдаагийн дэд хурандаа Б.Алтанзул  мэдээллээ.

    Нийт 140 постод 323 албан хаагч 24 цагаар үүрэг гүйцэтгэж ажилласан бөгөөд цагдаагийн байгууллагаас мал махны гарал үүслийн гэрчилгээний зөрчилтэй явсан 729 зөрчлийг илрүүлж, Зөрчлийн тухай хуульд зааснаар 109.330.000 төгрөгийн торгуулийг буруутай этгээдүүдэд оногдуулжээ. Мөн мал махны үйлдвэрлэл, худалдаа, үйлчилгээ эрхлэх журам зөрчсөн хүмүүст арга хэмжээ авсан байна.