Дорноговь аймгийн Улаанбадрах сумын нутаг дэвсгэрт тээврийн хэрэгсэл онхолдож хүн нас барсан тухай дуудлага мэдээлэл өчигдөр цагдаагийн байгууллагад бүртгэгдсэн байна. Ардын хувьсгалын 100 жил ойн Үндэсний их баяр наадмыг нөхөж тэмдэглэхээр болсонтой холбогдуулан уяачид нууцаар морь уяж, уралдуулж байгаа аж.

     Тодруулбал, Дорноговь аймгийн Улаанбадрах сумын хоёрдугаар багийн Хонхорын элс гэх газар  хурдан морины уралдаан дагаж явсан таван иргэн автомашинтайгаа осолдож, хоёр хүний амь эрдсэн харамсалтай хэрэг өнгөрсөн долоо хоногт гарчээ. Мөн биеийн байдал нь маш хүнд, ухаангүй хүнийг өнөөдөр Улаанбаатарт хотод авчирч, эмчлүүлж буй аж. Тус хэргийг Дорноговь аймаг дах цагдаагийн газрын Замын-Үүд сум дах сум дундын цагдаагийн хэлтэс үргэлжлүүлэн шалгаж байна.

     Дашрамд дурдахад, Монгол Улсын Засгийн газрын “Хурдан морины уралдааны тухай авах зарим арга хэмжээний тухай” журамд жил бүрийн арваннэгдүгээр сарын 1-ээс тавдугаар сарын 1-н хүртэл хугацаанд морины уралдаан, сунгаа, үсэргээ зохион байгуулахыг хориглосон байдаг.