Хөгжлийн банкны асуудлаар иргэн Д.Энхсайхан, Ерөнхийлөгч У.Хүрэлсүхэд шаардлага хүргүүллээ.

   Энэ үеэр тэрбээр "Үндэсний аюулгүй байдлын хууль гэж байгаа. Энэ хуулийн гуравдугаар зүйлд, үндэсний аюулгүй байдлын бүрэлдэхүүн хэсэг гэж бий. Ялангуяа, эдийн засгийн аюулгүй байдлын бүрэлдэхүүн хэсэг гэж бий. 1.7 их наяд төгрөгийн дээрэм, дээр нь энэ мөнгө төлөгдөхгүй болвол бид  2022 оны арван сард төлөх бондын мөнгийг төлж чадахгүйд хүрнэ. Улмаар иргэд энэ мөнгийг татварын мөнгөөрөө төлөхөөс гадна эдийн засгийн аюулгүй байдал бол ноцтой хөндөгдөнө. Тиймээс Үндэсний аюулгүй байдлын зөвлөлөө яаралтай хуралдуул, У.Хүрэлсүх ээ. Хоёрдугаарт, УИХ-ын Г.Занданшатар , Ерөнхий сайд Л.Оюун-Эрдэнэд хандаж хэлэхэд, нийтийн сонсогчдын тухай хууль гэж бий. Энэ хуулийг монголчууд бид хоёр, гурван удаа л хэрэглэсэн байх. Хуулийг ашиглахгүй бол яах гэж гаргадаг юм. Тус хуулийн долоогийн нэгт, нийтийн ашиг сонирхолд хөндөгдсөн шууд хамааралтай эдийн засаг, нийгмийн асуудлаар нйитийн сонсгол явуулж, асуудлыг хэлэлцүүлнэ гэсэн байдаг. Тэгэхээр энэ хуулиа хэрэгжүүлж, нийтийн сонсголоо яаралтай зохион байгуулах хэрэгтэй байна" гэв.