Өсвөр насны хөвгүүд энэ сарын 3-нд нэгнийхээ амийг хөнөөсөн хэрэг гарчээ. Тодруулбал, Хан-Уул дүүрэгт байрлах, "Буянт ухаа" хорооллын орон сууцны орцонд 16 настай хоёр хүү архи ууж, маргалдан Б-ын цээжин тус газар нь хутгалж, амийг нь хөнөөжээ. Тус хэргийг цагдаагийн газраас шалгаж,  хэргийн газраас архины шил, тамхи зэрэг зүйлс олсон байна.

     Өсвөр насны хүүхдүүдийн сэтгэлзүй тогтвортой биш байдаг учир эцэг эхчүүд нь тэдэнтэй ярилцаж, тулгамдсан асуудлыг нь шийдвэрлэхэд зөвлөгөө өгч байх хүүхдүүдээ хамгаалах, хохирогч болохоос сэргийлэх боломж юм. Мөн өсвөр насны хүүхдүүд архи, согтууруулах ундаа уух, уусан үедээ гэмт хэрэгт холбогдох эрсдэл бий тул эцэг эхчүүд хүүхдэдээ тавих анхаарал, хараа хяналтаа сайжруулахыг зөвлөж байна.