Ховд аймгийн Ховд сумын Баруун салаа багийн Рашаант гэдэг газарт нэг хүн хаднаас бууж чадахгүй болсон тусламж хэрэгтэй байна гэсэн дуудлага тус аймгийн Онцгой байдлын газарт иржээ. Дуудлагын дагуу тус аймгийн Онцгой байдлын газрын Эрэн хайх, аврах ангийн алба хаагчид  тухайн газар очжээ. Тэгэхэд, 32 настай малчин С нь 18 бог малын хамт 200 м орчим өндөртэй хаданд хашигдаж буух боломжгүй болсон байсныг нэг цаг 53 минут ажиллаж, тухайн иргэнийг 18 бог малын хамт хаднаас буулгасан байна.