Голын мөс цөмөрч, автомашин суусныг татан гаргажээ. Тодруулбал,  Баян-Өлгий аймгийн Цэнгэл сумын наймдугаар багийн Партизан гэдэг газар Ховд голын мөсөн дээгүүр зорчиж явсан суудлын автомашин голын мөс цөмөрч суусан тухай дуудлага өчигдөр тус аймгийн Онцгой байдлын газарт иржээ. Дуудлагын дагуу тус аймгийн Цэнгэл сум дахь Гал түймэр унтраах, аврах 71 дүгээр ангийн алба хаагчид тухайн газар очиж,  Цэнгэл сумаас тус сумын Цагаантүнгэ багийн чиглэлд зорчин явсан иргэн А-ын “Фургон” загварын автомашин, Б-ын “УАЗ-469” загварын суудлын автомашинууд “Ховд” голын мөс цөмөрч суусан байсныг татан гаргаж иргэн А-д хүлээлгэн өгсөн байна.