“Бээжин-2022” өвлийн олимпын ойрын зайн чөлөөт техникийн эрэгтэйчүүдийн төрөлд 44 ҮОХ-ны 90 тамирчин хурд хүчээ сорих бол эмэгтэйчүүдийн төрөлд 34 ҮОХ-ны 91 тамирчин оролцохоор эцсийн байдлаар баталгаажуулаад байна. Тэмцээн эмэгтэйчүүдийн төрлөөр эхэлж эхний тамирчин Бээжин хотын цагаар 16:00 цагт гараанаас гарах ба тамирчид хоёр минутын өмнө бэлтгэлийн хэсэгт нэвтэрч, хоорондоо 15 секунтын зайтайгаар дараалан гарна. Манай тамирчин А.Энхтуул нийт 91 тамирчнаас 84 дугаарт буюу 16:21 цагт гараанаас гарах бол эрэгтэйчүүдийн төрөл 16:45минут 15 секундэд эхэлж ОУХМ Б.Ачбадрах 83 дугаарт 17:05:45 цагт  гараанаас гарна. Хагас шигшээд шилдэг 30 тамирчныг сонгон шалгаруулах ба таван хэсэгт хуваарилагдсны дараа зургаан тамирчин зэрэг гараанаас гарах бөгөөд шигшээ уралдаанд 12 тамирчин шигшигдэн үлдэнэ. Үүнээс финалын шатанд зургаан тамирчин өрсөлдөж олимпын медальтан тодрох болно хэмээн “Бээжин-2022” өвлийн олимт оролцож буй Монголын багийн ахлагч Ц.Сандуй мэдээлсэн юм.