Хан-Уул дүүргийн 12 дугаар хорооны нутаг дэвсгэрт байрлах гэрийнхээ гаднаас долоон настай охин алга болсон гэх мэдээлэл өчигдөр цацагдсан. Энэ талаар ЦЕГ-ын мэргэжилтнээс тодруулахад “Долоон настай охин алга болсон тухай дуудлага энэ сарын 5-нд цагдаагийн байгууллагад ирсэн. Дуудлагын дагуу шалгалтын ажиллагааг үргэлжлүүлэхэд долоон настай, эмэгтэй М-ийг ээжийнх нь найз болох 28 настай, эмэгтэй С.А гэгч нь “Хамт тоглоомын талбайд  тоглоё” гэж  худал  хэлж, гэрээс нь гарган,  улмаар түүнийг авч  явсан нь тогтоогдсон. Тухайн үед М гэртээ өвөөтэйгөө байсан бөгөөд “Охины минь найз  гадаа ирсэн тул гэрээс гаргасан” гэж өвөө нь мэдүүлжээ. Хэрэгт холбогдогчийг өчигдөр Чингэлтэй дүүргийн Салхит орчмоос баривчилсан. Харин хүүхдийг ар гэрийнхэнд нь хүлээлгэн өгч,  гэмтлийн зэрэг тогтоолгохоор Шүүх шинжилгээний үндэсний төвд шинжээч томилон, хамтарсан багаар ажиллаж байна" гэлээ.