Сураггүй алга болсон иргэнийг эсэн мэнд олжээ. Тодруулбал, Дундговь аймгийн Баянжаргалан сумын Шилийн гол багийн Шилийн гол гэдэг газар тус аймгаас Говьсүмбэр аймгийн чиглэлд автомашинтай зорчиж явсан нэг эмэгтэй хүн сураггүй болсон тухай дуудлага тус сумын Онцгой байдлын газарт өчигдөр иржээ.

  Дуудлагын дагуу Говьсүмбэр аймгийн Онцгой байдлын газрын алба хаагчид ар гэрийнхэнтэй хамтран Дундговь аймгийн Сайнцагаан сумын харьяат иргэн Н-ийг эрэн хайх ажиллагааг 02:30 минутаас эхлэн зохион байгуулж ажиллажээ. Энэ үеэр Дундговь аймгийн төвөөс зүүн урд зүгт 42 км, Гурван сайхан сумын Дэрсний -Ус багийн нутаг дэвсгэрт малчин айлд эсэн мэнд очсон тухай 08:20 цагт ээж У аймгийн Онцгой байдлын газарт мэдэгдсэнээр эрэн хайх ажиллагааг зогсоосон байна.