Жүдо бөхийн оны эхний тэмцээн Парисын их дуулга хоёрдугаар сарын 5-6-ны хооронд болж Монголын баг тамирчид амжилттай оролцсон юм. Шигшээ баг 13 тамирчны бүрэлдэхүүнтэй Парисыг зорьж хоёр алт, нэг мөнгө, нэг  хүрэл медаль хүртэж, багийн дүнгээр гуравдугаар байр эзэлжээ. Харин нэгдүгээр байранд Япон долоон алт, таван мөнгө, зургаан хүрэл, хоёрдугаарт, Франц гурван алт, нэг мөнгө, долоон хүрэл медальтай тэргүүлсэн бол Гүржийн шигшээ баг нэг алт, нэг мөнгө, хоёр хүрэл медальтайгаар дөрөвдүгээр байрт жагссан байна. Нийт 52 орны 285 тамирчин оролцсон тэмцээнд 154 эрэгтэй, 131 эмэгтэй тамирчид байснаас Монгол Улсаас найман эрэгтэй, таван эмэгтэй байв.

Монголын шигшээ багаас:

·Ё.Басхүү алтан медаль. Эрэгтэйчүүдийн -66 кг жин

·О.Цэцэнцэнгэл алтан медаль. Эрэгтэйчүүдийн +100 кг жин

·Б.Баасанхүү мөнгөн медаль. Эмэгтэйчүүдийн -48 кг жин

·Ц.Цогтбаатар хүрэл медаль. Эрэгтэйчүүдийн -73 кг жин

·Л.Энхрийлэн шагналт тавдугаар байр. Эмэгтэйчүүдийн -57 кг жин

·Э.Ариунболд шагналт долоодугаар байр. Эрэгтэйчүүдийн -60 кг жин

Б.Хорлоодой шагналт долоодугаар байр. Эмэгтэйчүүдийн -52 кг жинд өрсөлдсөн юм.