Шөнийн 02:26 минутад ХУД-ийн 4-р хороо Мөнххада компаний хажуу талд барилгын дэлгүүрт гал гарчээ. Дуудлагын дагуу ГТУА 14-р ангийн салааны захирагч, д/ч 3.Өсөхбаяр удирдсан есөн алба хаагч, хоёр автомашинтай гарч 02:34 цагт очиход ХУД-н 4-р хороонд байрлах “Андын зам констракшн”ХХК-ний баригдаж байгаа барилгын хашаанд байрлах 12*2 метрийн хэмжээтэй төмөр чингэлэгийн дээвэр дээр 1,5*1,5 метрийн хэмжээтэй модон харуулын байр шатаж байсныг унтраажээ. Уг галд иргэн Л 58 настай эрэгтэй өртөж насаа алдсан байсныг ХУД-н Цагдаагийн 2-р хэлтсийн мөрдөгч,ахмад Б.Мөнхнаранд хүлээлгэн өгчээ. Галын аюулгүй байдлыг хангаагүйн улмаас ялангуяа шөнө үүрийн цагаар гал гарч амь нас, эрүүл мэндээр хохирох өндөр эрсдэлтэй байгаа тул цахилгааны аюулгүй байдлыг бүрэн хангаж, асаасан арц хүж, зулыг хяналтгүй орхихгүй байхыг нийслэлийн Онцгой байдлын газраас онцгойлон сэрэмжлүүллээ.