Автомашинтай зорчиж явсан хоёр иргэн сураггүй болсныг эсэн мэнд олжээ. Тодруулбал, Өмнөговь аймгийн Мандал-Овоо сумын Баянхошуу багт, Өвөрхангай аймгийн төвөөс Өмнөговь аймгийн Даланзадгад сумын чиглэлд зорчиж явсан иргэн И “Корола” загварын суудлын автомашинтай хоёр зорчигч Мандал-Овоо сумаас 17:00 цагийн үед гараад сураггүй болсон тухай дуудлага өчигдөр тус аймгийн Онцгой байдлын газарт иржээ.

  Дуудлагын дагуу Өмнөговь аймгийн Онцгой байдлын газрын Эрэн хайх аврах салбарын алба хаагчид, сумын Засаг даргын Тамгын газрын ажилтнуудтай хамтран тус сумын баруун зүүн чиглэлд эрэн хайх ажиллагааг зохион байгуулж ажиллахад, Булган сумын Дал багийн Загийн-Ишин гэдэг газар малчин О-ийнд эсэн мэнд очсон тухай мэдээллийг тус иргэний эгч, аймгийн Онцгой байдлын газарт утсаар мэдэгдсэн байна. Иймээс эрэн хайх ажиллагааг зогсоожээ.