Цагдаагийн алба хаагчид Булган аймгийн Булган сумын зургадугаар багийн нутаг дэвсгэрт энэ сарын 27-нд нэн ховор амьтан агнасан зөрчил илрүүлжээ. Тодруулбал, иргэн Б, М, Н, Ө нар нь зохих зөвшөөрөлгүй гурван ширхэг галт зэвсгээр, нэн ховор амьтны төрөл болох найман ширхэг хүдэр хууль бусаар агнаж хүдрийн заарыг тээвэрлэн явсныг тус аймгийн цагдаагийн газрын алба хаагчид илрүүлэн мөрдөн шалгах ажиллагааг явуулж байна.

    Иргэн та хуулиар хүлээсэн үүргээ биелүүлж хууль бус ан агнуурын талаар мэдээллийг холбогдох хууль хяналтын байгууллага, эрх бүхий албан тушаалтанд нэн даруй мэдэгдэж байхыг уриалж байна.

Эх сурвалж: ЦЕГ-ын Хэвлэл мэдээллийн төв