Даян аварга Н.Батсуурь, улсын арслан Р.Пүрэвдагва нараас допинг илэрч, барилдах эрхээ 11 сараар хасуулж, шийтгэлээ хүлээсэн. Гэвч тэднийг улсын харцага цолтонд хүндэтгэл үзүүлэх барилдаанд зодоглоход нь бөхчүүд эсэргүүцэж, барилдуулаагүй. Үүний улмаас Ерөнхийлөгч У.Хүрэлсүх МҮБХ-ны удирдлагуудтай уулзан, цагаан сарын болон бусад барилдааныг хэрүүл, маргаангүй зохион байгуулахыг сануулсан билээ. Харин Н.Батсуурь цагаан сарын барилдаанд бүртгүүлэх хүсэлтээ МҮБХ-нд гаргасан тухайгаа цахим хуудастаа ил болгожээ. Тэрбээр “Сар шинийн барилдаанд зодоглоно” гэсэн боловч Монголын үндэсний бөхийн холбооноос “Бүртгэх боломжгүй юм байна” гэх хариу өгчээ.