Хан-Уул дүүргийн "Буянт Ухаа-II" хорооллын 1001-дүгээр байранд өчигдөр их хэмжээний гал гарчээ. Тус байрны СӨХ байрлаж ажилладаг B1 давхарт гал гарч, оршин суугчид угаар, утааны улмаас гадна талбайдаа гарсан байна. Байр бүхэлдээ  цахилгаангүй болжээ. Онцгой байдлын алба хаагчид галыг бүрэн унтрааж, шалтгааныг олж тогтоох ажил эхлүүлсэн байна. Харин оршин суугчид СӨХ-ны хариуцлагагүй, хайхрамжгүй байдлаас болж гал гарсан хэмээн үзэж байгаа аж.