Цагдаагийн байгууллагын 102 утсанд өчигдөр 18:42 цагт иргэн Э-ээс “Дөнгөж төрөөд удаагүй байгаа эрэгтэй хүүхэд оллоо" гэх дуудлага мэдээлэл иржээ. Дуудлагын дагуу  Баянзүрх дүүрэг дэх цагдаагийн газрын хоёрдугаар хэлтсийн алба хаагчид түргэн шуурхай шалгаж, ажиллахад 21 настай эмэгтэй Э нь өчигдөр гэртээ төрж, өөрөө цагдаагийн байгууллагад “Айлын хаалганы гадна талд дөнгөж төрсөн нярай хүүхэд олж гэртээ авчирлаа” гэж худал дуудлага мэдээлэл өгснийг мэргэжлийн ур чадвар гарган илрүүлэн шалгаж байна. Эх, нярайд эмнэлгийн анхан шатын тусламж үзүүлэн, эмнэлгийн байгууллагад холбон зуучилсан. Эх болон нярайн биеийн эрүүл мэндийн байдал хэвийн. Мөрдөн шалгах ажиллагаа үргэлжилж байгаа аж.