Сар шинийн босгон дээр Монгол Улсын Ерөнхийлөгч У.Хүрэлсүх өнөөдөр салбартаа манлайлсан эрхмүүдэд төрийн дээд одон медаль гардууллаа. Энэ үеэр “Никитон” хамтлагийн даралтат хөгжимчин, хөгжмийн найруулагч Б.Чинбатыг  Урлагийн гавьяат зүтгэлтэн цолоор шагналаа. Тэрбээр "Төр засагтаа, аав, ээждээ, хамт олондоо баярлалаа. Хамтран зүтгэж байгаа нийт урлагийнхандаа баярлалаа. Мөн намайг амьдруулсан хайртай ханьдаа баярлалаа гэж хэлье. Илүү олон уран бүтээл хийх итгэл, урам хайрлалаа" гэв.

   Тэрбээр дан хөгжим болон найрал хөгжимд зориулсан олон шилдэг бүтээл туурвиж, 300 гаруй дууны ая зохион, олон улсын түвшинд хөгжмийн найруулга, уран бүтээлээрээ эх орныхоо урлагийг сурталчлан таниулж байгаа, олон арван тоглолт, цомгоо нийтийн хүртээл болгохын зэрэгцээ ард түмнийхээ урлагийн боловсролыг дээшлүүлэх, соёл урлагийг сурталчлан таниулах үйлсэд өөрийн хувь нэмрээ оруулсан нэгэн юм.