Монгол Улсын Ерөнхийлөгч У.Хүрэлсүх өнөөдөр төрийн дээд одон медаль гардууллаа. Энэ үеэр ардын дуучин Б.Алтанжаргал  Хөдөлмөрийн гавьяаны улаан тугийн одонгоор энгэрээ мялаалаа.

  Тэрбээр энэ үеэр "Бар жилийн босгон дээр ардын урлагт оруулж байгаа хувь нэмрийг маань үнэлж, төрийн одон медаль хүртсэнд баяртай байна. Уламжлалт ардын урлагийг тээгч, бусдад түгээн дэлгэрүүлэгч, залуучууддаа хүртээмжтэй, сонирхдог болгохын тулд олон зүйлийг төлөвлөн ажиллаж байна. Бид ардын урлагийг шинэчилсэн шатанд, тодорхой бие даасан, дэлхий нийтэд танигдахуйц хэмжээний урсгал болгохын төлөө хичээж байна" гэв.

Тэрбээр "Дөмөн хонгор", "Сэр сэр салхи", "Арван тавны сар", "Хоожиймаа", "Дүүриймаа", "Алтан хундага" зэрэг ардын дууг дуулж олны хүртээл болгосон юм.