"Оюу толгой” компанийн Төлөөлөн Удирдах Зөвлөл өнөөдөр хуралдаж гүний уурхайн үйл ажиллагааг эхлүүлэх шийдвэр гаргаж, “Туркойс Хилл Ресурс” компаниас мэдэгдэл гаргасан байна.  Тус шийдвэр гарснаас 2023 оны эхний хагаст тогтвортой үйлдвэрлэлд хүрч, бүрэн хүчин чадлаараа ажиллана гэж тооцоолсон байна.

     "Оюу толгой" төслийн хөрөнгө оруулагч талууд шаардлагатай нэмэлт санхүүжилтийн хэрэгцээг хангахад чиглэсэн, нэмэлт өөрчлөлт оруулсан санхүүжилтийн гэрээг байгуулахаар тохиролцсон талаар мэдэгдэлд дурдсан байна. Монгол Улсын Засгийн газартай байгуулсан гэрээний хүрээнд "Туркойз Хилл Ресурс" компани Монголын Засгийн газрын 34 хувьд ногдож байсан 2.4 тэрбум ам.долларын зээлийг бүрэн хариуцахаар тохиролцсон. Энэхүү зээлд Монголын Засгийн газрыг төлөөлөн хэрэгжүүлэгч "Эрдэнэс Оюутолгой"-н нэрийн өмнөөс TRQ-ийн "Оюу толгой" компанид оруулсан хөрөнгийн хэмжээ болон 1.4 тэрбум ам. доллар болон нэмэгдүүлсэн хүүгийн нэг тэрбум ам.доллар багтжээ. Түүнчлэн талууд газар доорх мониторингийн хамтын ажиллагааг сайжруулахаар тохиролцсон гэдгийг мэдэгдэлд тодотгосон байна.

     Гэрээнд оруулсан шинэчилсэн заалтаар гүний уурхайн бүтээн байгуулалтад шаардагдсан суурь санхүүжилтийн хэмжээг өнгөрсөн арванхоёрдугаар сарын 31-ний өдрийн байдлаар 3.4 тэрбум ам.доллар гэж тооцоолжээ. Энэ нь 2021 оны есдүгээр сарын 30-ны тооцооллоос 200 сая доллароор буурчээ.