АТГ-аас цаг үеийн асуудлаар мэдээлэл хийлээ. Энэ үеэр Улаанбаатар төмөр замын ХНН-ийн Дотоод аудит, хяналт шалгалтын албаны дарга Ж.Пунцагийн яллагдагчаар татсан талаар мэдээлэв. Тодруулбал, Ж.Пунцагийг албан тушаал, эрх мэдлээ урвуулан ашиглж, их хэмжээний хахууль авсан байж болзошгүй, үндэслэлгүйгээр хөрөнгөжсөн хэмээн өнгөрсөн долоо хоногт саатуулж, суллаад байсан юм. 

Энэ талаар АТГ-ийн Олон нийттэй харилцах хэлтсийн мэргэжилтэн "Ж.Пунцагт мөрдөн шалгах тодорхой ажиллагааг явуулан, хуульд заасан үндэслэл тогтоогдсон тул 48 цагийн хугацаатай баривчиллаа. Энэхүү баривчилгаа нь хэрэг хянан шийдвэрлэх үйл ажиллагаанд заасан хойшлуулашгүй үйл ажиллагаа бөгөөд түүнд давхар мөрдөн шалгах ажиллагаа явуулж, Эрүүгийн хэрэг үүсгэж, яллагдагчаар татах саналыг прокурорын байгууллагад хүргүүлсэн. Улмаар саналыг прокурорын байгууллага үндэслэлтэй байна гэж үзсэн учраас түүний үйлдэлд Эрүүгийн хэрэг үүсгэж, яллагдагчаар татсан" гэлээ.