Дулааны шугамын худгаас эрэгтэй хүний цогцос олджээ. Тодруулбал, Нийслэлийн Баянзүрх дүүргийн V хорооны дулааны шугамын худагт эрэгтэй хүний цогцос байна гэсэн дуудлага өчигдөр тус дүүргийн Онцгой байдлын албанд иржээ.

 Дуудлагын дагуу нийслэлийн Аврах ангийн алба хаагчид гурав орчим метрийн гүнтэй дулааны шугамын худагт нэр хаяг нь тодорхойгүй эрэгтэй хүний цогцос байсныг гаргасан байна. Цогцсыг тус дүүрэг дэхь Цагдаагийн нэгдүгээр хэлтсийн жижүүрийн бүрэлдэхүүнд шилжүүлэн өгчээ.