• Өнөөдөр 2024-03-28

СЭРЭМЖЛҮҮЛЭГ: Туул, Дөргөн нуурын мөс цөмөрч, иргэд автомашинтайгаа суужээ

2022-01-23,   301

Нийслэлийн Налайх дүүргийн зургадугаар хороо, Туул голын Бүдүүн чулууны гарам гэх газар дөрвөн зорчигчтой суудлын автомашин суусан байна. Тус дуудлагыг өчигдөр 19:00 цагт Онцгой байдлын газрын алба хаагчид хүлээн авчээ. Тус дүүргийн Онцгой байдлын хэлтсийн алба хаагчид иргэн Г-ын “Хайлюкс” загварын суудлын автомашинд жолооч Г /48 настай, эрэгтэй/, зорчигч А /35 настай, эмэгтэй/, Э/12 настай, эмэгтэй/, Д /9 настай, эрэгтэй/ нарын хамт “Туул” голын мөс цөмөрч, суусан байсныг татан гаргажээ.

    Мөн Ховд аймгийн Дөргөн сумын Өгөөмөр багийн Уур баагдаг гэдэг газар /аймгийн төвөөс зүүн зүгт 100 км, сумын төвөөс урд зүгт 2 км/-т Иргэн Т /44 настай, эрэгтэй/-ийн “Приус-20” загварын /дотроо 2 зорчигчтой/ суудлын автомашин “Дөргөн” нууранд мөс цөмөрч суусан. Дуудлагыг 01.23-ны өдрийн 05:48 цагт хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчид ангийн байрлалаас “Дөргөн” нуурын чиглэлд хөдөлжээ.

    Манай орны ихэнх гол, мөрөн, нуурын мөсний зузаан 2021 оны мөн үеийнхээс 15-75 см нимгэн, мөсний даац хүн, мал, машин тэрэг явахад хангалттай хэмжээнд хүрч бэхжээгүй. Иймд цаг хожих, зам товчлох зэргээр мөсөн дээгүүр явах, авто тээвэр хийхгүй байхыг  анхааруулж байна.

 

 

 


СЭРЭМЖЛҮҮЛЭГ: Туул, Дөргөн нуурын мөс цөмөрч, иргэд автомашинтайгаа суужээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188