Тээврийн цагдаагийн албаны Жижүүрийн шуурхай удирдлагын хэлтэст өнөөдөр  20:30 цагийн орчимд Хан-Уул дүүргийн VII хороо Яармагийн “Шунхлай” шатахуун түгээх станцын замд “Toyota raun”  маркийн автомашин явган зорчигч мөргөсөн гэх дуудлага ирсний дагуу хэргийн газарт шалгалт хийжээ. Урьдчилсан байдлаар явган зорчигч согтууруулах ундаа хэрэглэсэн үедээ замын гарц гарамгүй хэсгээр гарч автомашинд мөргүүлсэн болохыг тогтоогоод байна.

            Мөн жолоочийн согтолтын зэргийг шалгахад тэг хувьтай буюу согтууруулах ундааны зүйл хэрэглээгүй, явган зорчигчийн согтолтын зэрэг хоёр хувьтай гарчээ. Явган зорчигчид эмнэлгийн анхны тусламж үзүүлсэн бөгөөд биеийн байдал хэвийн байгаа аж.

Иймд замын хөдөлгөөнд оролцохдоо анхаарал болгоомжтой  байж, согтууруулах ундааны зүйл хэрэглэхээс татгалзах, хэрэглэсэн үедээ замын хөдөлгөөнд оролцохгүй байхыг Тээврийн цагдаагийн албанаас анхааруулж байна.