Зам, тээврийн хөгжлийн яам болон Гаалийн ерөнхий газар, Авто тээврийн үндэсний төв зэрэг холбогдох байгууллагууд хамтран долоо хоногийн мягмар, баасан гарагт хилийн боомтуудын нөхцөл байдлын талаар танилцуулж байгаа билээ.  Өнөөдөр ЗТХЯ-ны Тээвэр зохион байгуулалтын хэлтсийн дарга Г.Гантулга улсын хилээр орж ирсэн ачаа барааны талаар танилцууллаа.

    Тэрбээр "Эрээн-Замын-Үүдийн авто замын боомт нээгдээд 10 хонож байна. Өнгөрсөн хугацаанд 418 тээврийн хэрэгслээр 549 чингэлэгт ачааг улсын хилээр нэвтрүүлээд байна. Эрээн-Замын-Үүд боомтын үйл ажиллагаа хэвийн байдалдаа орох хандлагатай болсон" гэлээ.