Шүүхийн Ерөнхий зөвлөлийн Шүүгчдийн сахилгын хороо өнөөдөр хуралджээ. Хурлаар Сүхбаатар дүүргийн Эрүүгийн хэргийн анхан шатны шүүгч З.Болдбаатар, Х.Идэр, Булган аймаг дахь сум дундын эрүүгийн хэргийн анхан шатны шүүхийн шүүгч З.Отгонбаатар нарын асуудлыг хаалттай хэлэлцсэн байна.

    Шүүхийн Ерөнхий зөвлөлийн Шүүгчдийн сахилгын хорооноос гаргасан шийдвэрийн талаар Шүүхийн сахилгын хорооны гишүүн Х.Хашбаатар "Шүүгч нарт сахилгын шийтгэл оногдуулах нь зүйтэй гэж үзлээ. Улмаар Монгол Улсын шүүхийн тухай хуулийн дагуу Х.Идэр, Д.Отгонбаатар нарыг шүүгчийн албан тушаалаас огцруулах сахилгын шийтгэл, шүүгч З.Болдбаатарын цалинг зургаан сарын хугацаагаар 30 хувь бууруулах сахилгын шийтгэл ногдууллаа" гэсэн юм.