Архидан согтуурч, орон сууцны орцонд зүй бус үйлдэл гаргаж, ёс зүйн алдаа гаргасан гэх шүүгч  нарын асуудлыг өнөөдөр  Шүүхийн ёс зүйн хороо шийдвэрлэж, ёс зүйн алдаа гаргасан шүүгч нарын эрхийг хасжээ. Энэ үеэр иргэд “Бид нар шударга шүүгчээр шүүлгэмээр байна. Архидан согтуурдаг, хонгилын шүүгч нарыг эргэн томилж байгаад бид эсэргүүцэж байна. Ард иргэд өнөөдөр юунд итгэх вэ, Шүүхийн сахилгын хороо шударга шүүгчдийг томилох хэрэгтэй. Шүүх засаглал ард түмнээ удаа дараа доромжиллоо, шударга ёсыг тогтоодог энэ том байгууллага ийм эвдэрсэн, ялзарсан байж болохгүй. Хонгилын шүүгчдийг Монголын шүүхээс салгамаар байна” гэсэн шаардлагыг тавьж байна.

  Эргэн сануулахад, Өнгөрсөн долоо хоногт  Шүүхийн ёс зүйн хорооны хурлаар дээрх шүүгч нарын асуудлыг хэлэлцэхээр болсон ч Булган аймгийн шүүгч Д. Болдбаатар эрүүл мэндийн шалтгааны улмаас шүүх хуралдаа оролцоогүй, өмгөөлөгч нь хэргийн материалтайгаа танилцана гэсний дагуу өнөөдрийн 09:00 цаг хүртэл шүүх хуралдааныг хойшлуулсан юм.