Монгол Улсын Засгийн газрын ээлжит хуралдаан өнөөдөр болсон. Засгийн газрын хуралдаанаас гарсан шийдвэрийг Ерөнхий сайдын хэвлэлийн төлөөлөгч Ч.Болортуяа танилцууллаа.

            Тэрбээр “Засгийн газраас хөл хорио тогтоох шаардлага байхгүй гэж үзсэн. Одоогийн байдлаар аль нэг байгууллагаас хөл хорио тогтоох санал ирээгүй.

            Мөн сар шинийн баяраар төрийн золголт болохгүй. Төрийн байгууллагуудыг золголт хийхийг хориглосон. Шинэ төрлийн омикрон хувилбар тархалтад бага насны хүүхэд, суурь өвчтэй, ахмад насны иргэдэд өндөр эрсдэлтэй байгаа учир Засгийн газраас сар шинийн баяраар цахимаар золголт хийхийг уриалж байна” хэмээсэн юм.