Засгийн газрын ээлжит хуралдаанаар зарим албан тушаалтнуудыг дэд сайд, төрийн нарийн бичгийн даргын албанд томилж заримыг нь өөр байгууллагад сэлгэн ажиллуулах асуудлыг хэлэлцэж байгаа аж: Тухайлбал, Шударга өрсөлдөөн хэрэглэгчийн төлөө газрын даргаар Т.Гантулгыг томилохоор болсон билээ.

Т.ГАНТУЛГЫН БОЛОВСРОЛ

    Тэрбээр 1985-1990 онд ОХУ-ын Москва хотын Хүмүүнлэгийн их сургуулийг Түүх нийгмийн багш мэргэжлээр төгссөн. Мөн 1997-2000 онд Монгол Улсын их сургуулийн докторантур, улс төр судлаач, 2002- 2004  онд Үндэсний Тагнуулын академийн эрх зүйч, улс төрийн шинжлэх ухааны доктор, профессор цолтой.

ТҮҮНИЙ ЭРХЭЛСЭН АЖИЛ

    ШӨХТГ-ын  даргаар томилогдож буй Т.Гантулга 2020 онд МХЕГ-ын даргаар томилогдсон. 1983-1985 онд Говь-Алтай аймгийн МХЗЭ-ийн хороонд зохион байгуулагч, 1990-1994 онд Говь-Алтай аймгийн МАН-ын хороонд улс төрийн ажилтан, 1994-2000 онд “Алтайн Кашмир” ХХК-ийн ерөнхий захирал, 2000 – 2007 онд МАН-ын даргын зөвлөх, 2007-2009 онд Байгаль орчин, аялал жуулчлалын яамны Төрийн нарийн бичгийн дарга, 2009-2012 онд ХХААХҮЯ-ны Төрийн нарийн бичгийн дарга, 2013-2016 онд МАН-ын нарийн бичгийн дарга, 2016-2020 онд Эрчим хүчний дэд сайдаар тус  ажиллаж байжээ.