Монгол Ардын намын Удирдах зөвлөл хуралдаж, шийдвэрээ гаргалаа. Тодруулбал, Сангийн яамны Төсвийн хөрөнгө оруулалтын газрын дарга Г.Түвдэндоржийг БОАЖ-ын дэд сайдаар, Сангийн яамны Төрийн нарийн бичгийн дарга С.Наранцогтыг Эдийн засгийн хөгжлийн дэд сайдаар томилохоор болжээ. Тэднийг маргаашийн Засгийн газрын хуралдаанаар оруулж, баталгаажуулах аж. 

    Монгол Улсын Ерөнхий сайд Л.Оюун-Эрдэнэ бүрэн эрхийнхээ хүрээнд Байгаль орчин, аялал жуулчлалын сайдаар Б.Бат-Эрдэнийг томилуулахаар УИХ-д танилцуулсан. Мөн тус яамны Төрийн нарийн бичгийн даргын үүргийг түр орлон гүйцэтгэгчээр А.Энхбатыг томилсон байна.