Замын-Үүд автозамын боомт, ачаа тээврийн асуудлаар АТҮТ-өөс мэдэгдэл хийлээ. Энэ үеэр АТҮТ-ийн Ачаа тээврийн хэлтсийн дарга О.Энхбат мэдээлэл өгөв.

           Тэрбээр “Одоо улс хоорондын тээвэрлэлтээ тасралтгүй явуулах нь чухал байна. 5700 жолоочийн халдвар хамгааллыг сахихаас илүүтэй 50 жолоочийн дэглэмийг чанд сахиулж, тээвэрлэлт гүйцэтгүүлэх хэрэгтэй. Энэ сарын 3-наас ихэнх боомтуудын тээвэрлэлт чингэлгийн тээвэрт шилжсэн. Өмнө нь Замын-Үүд, Эрээний автозамын боомтоор даац хэтрүүлэн тээвэрлэлт хийдэг байсан. Харин одоо чингэлэгтэй барааг хувааж, тээвэрлэж байна. Өмнө нь нэг автомашинаар орж ирэх байсан даац хэтрүүлсэн ачааг 3-4 машинд хувааж, оруулж байна. Мөн Гашуунсухайт-Ганцмод боомтоор цөөн хэмжээний бараа, бүтээгдэхүүн татаж байгаа” гэсэн юм.