БОАЖЯ, ЦЕГ, ОБЕГ, ЦУОШГ, “Тавантолгой түлш” ХК-иас өнгөрсөн долоо хоногийн агаарын чанарын тухай мэдээлэл хийлээ. Мэдэгдлийн үеэр цагдаагийн дэд хурандаа Б.Даваадорж хяналт, шалгалтын талаар мэдээлэл өгсөн юм.

           Тэрбээр “Өнгөрсөн долоо хоногт ЦЕГ-аас НМХГ, “Тавантолгой түлш” ХК-ийн алба хаагчид хамтран нийслэлийн зургаан дүүрэгт хяналт, шалгалт хийсэн. Энэ үеэр түүхий нүүрс хадгалж байсан, ашиглахыг завдсан дөрөв, зориулалтын бус утаа үүсгэгч шатааж байгаа тухай дуудлага 11 ирсэн. Тухайн дуудлагыг шалгаж үзэхэд түүхий нүүрс хадгалсан, зориулалтын бус утаа үүсгэгч ашиглаж байгаа дуудлага батлагдаагүй. Мөн өнгөрсөн долоо хоногт хүн угаартсан тухай 17 дуудлага бүртгэгдсэн. Угаартсаны улмаас нэг иргэн амиа алдсан. Харин 47 иргэн хүнд, хөнгөн хэлбэрээр угаартсан байсныг илрүүлж, эмнэлгийн тусламж үзүүлсэн” гэв.