Ахуйн галд нэг хүн өртөж амиа алджээ. Тодруулбал, Нийслэлийн Багахангай дүүргийн хоёрдугаар хорооны нэгдүгээр гудамжинд гэр шатаж байна гэсэн дуудлагыг өчигдөр тус дүүргийн Онцгой байдлын газарт иржээ.

   Дуудлагын дагуу Багахангай дүүргийн Онцгой байдлын хэлтсийн Гал түймэр унтраах, аврах 80 дугаар ангийн алба хаагчид тухайн газар очиход иргэн Б-ын дөрвөн ханатай гэр шатаж байсныг унтраасан байна. Уг галд иргэн 51 настай иргэн өртөж амиа алдсан тул цогцсыг гаргаж тус дүүрэг дэхь Цагдаагийн нэгдүгээр хэлтсийн жижүүрийн бүрэлдэхүүнд шилжүүлэн өгчээ.