Өсөх идэр начин С.Лхагвын нэрэмжит барилдаанд аймгийн хурц арслан Ө.Сүхбат түрүүллээ

2022-01-16, 814

Завхан аймгийн Их-Уул сумын харьяат, улсын өсөх идэр начин С.Лхагвын нэрэмжит аймаг, цэргийн цолтой болон залуу 256 бөхийн барилдаанд Булган аймгийн Могод сумын харьяат, аймгийн хурц арслан Өрнөхбаярын Сүхбат түрүүлж, Өвөрхангай аймгийн Төгрөг сумын харьяат, аймгийн заан Цэдэнсодномын Бямба-Отгон үзүүрлэжээ.

Их шөвөгт Өвөрхангай аймгийн Нарийнтээл сумын харьяат, аймгийн хурц арслан Батжаргалын Лхагвадорж, Төв аймгийн Бүрэн сумын харьяат, аймгийн начин Лхамсүрэнгийн Энхтүвшин нар шалгарлаа. Дунд шөвөгт аймгийн хурц арслан Т.Пүрэвсүрэн, аймгийн арслан Б.Тайван, Э.Баасанжав, Ц.Төмөрцоож нар үлдсэн байна.

Сонирхуулахад, С.Лхагва нь 1964 онд дархан аварга Б.Түвдэндорж агснаар улсын начин цолны болзол хангаж, зургаагийн даваанд дархан аварга Д.Дамдин агсанд өвдөг шороодсон түүхтэй. Мөн улсын баяр наадамд найман удаа дөрөв, гурван удаа гурав, хоёр удаа тав давж байсан бөх юм.

Өсөх идэр начин С.Лхагвын нэрэмжит барилдаанд аймгийн хурц арслан Ө.Сүхбат түрүүллээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид