Баянхонгор аймагт 3.6 магнитутын хүчтэй газар хөдлөлт болжээ. Тодруулбал, тус аймгийн Галуут сумын Мандал баг “Ёлын гол” гэдэг газар энэ 14-ний өдрийн 21:35 цагт 3.6 магнитудын хүчтэй газар хөдлөлт болсон байна. Ингэхдээ тус мэдээллийг 21:43 цагт Одон орон геофизикийн хүрээлэнгээс цахим шуудангаар ОБЕГ-т ирүүлсэн байна. Тус сумын Засаг даргын Тамгын газрын дарга, тус газар нутагладаг малчдаас тодруулахад иргэдэд чичирхийлэл мэдрэгдээгүй, учирсан хохиролгүй гэсэн хариу өгчээ.