Улсын Их Хурлын нэгдсэн хуралдаанаар өнөөдөр МУГЖ Н.Ононг МҮОНРТ-ийн Үндэсний зөвлөлийн гишүүнээр томилсон юм. Энэ үеэр жүжигчин Н.Онон "МҮОНРТ -д талцал, хуваагдал байдгийг өчигдөр л байнгын хорооны хурал дээр суухдаа мэдсэн.  Үндэсний зөвлөлд сонгогдоогүй байж ямар ч уран бүтээлчтэй уулзаагүй байсан. Ер нь бол, ойлголцоно л гэж бодож байна шүү дээ. Мэдээж хуулийг өөрийнхөө хэмжээнд хардаг. Эрхзүйч мэргэжлээрээ 2001 оноос хойш ажиллаагүй. Одоо бол эргээд хуулиа сайн харах хэрэгтэй болж байх шиг байна. Залуу үе хөнгөнөөр амьдрахыг хүсдэг болчихсон байна. Энэ тал дээр анхаарч ажиллана, түүнээс ийм хэлбэр, тийм маягаар ажилланаа гэж хэлэхэд эрт байна" гэж хэвлэлийнхэнд мэдээлэл өгсөн юм.