Эрүүл мэндийн яамнаас коронавируст халдварын талаарх мэдээлэл өглөө. Сүүлчийн 24 цагийн хугацаанд 2010 хүнээс коронавирусийн халдвар илэрчээ. Мөн хугацаанд гурван иргэн нас барсан байна. Эрүүл мэндийн сайдын зөвлөх О.Батбаяр “Омикрон хувилбарын давалгаа нэмэгдэж байна. Манай улсад нэгдүгээр сарын дунд үеэс хоёрдугаар сарын эхэн хүртэл халдвараар өвчлөх иргэдийн тоо нэмэгдэх хандлагатай байна. Цагаан сарын баяраа гэр бүлийнхээ хүрээнд тэмдэглэх, бусадтай цахимаар золгохыг Эрүүл мэндийн яамнаас анхааруулж байгаа. Эрүүл мэндийн даатгалын сангаас коронавирусийн халдвараар дахин өвдсөн иргэдэд эмийн багц олгож байгаа. Өнгөрсөн онд өрхийн эмнэлгээр дамжуулж 160 мянган төгрөгийн Үүнд Эрүүл мэндийн даатгалын сангаас 160 тэрбум гаруй төгрөг зарцуулсан. Омикроны шинж тэмдэг хөнгөн илэрч байгаа учир иргэд гэрээр эмчлэх боломжтой. Тэгэхээр заавал эмийн багц авах шаардлагагүй. Манайд бүртгэгдэж байгаа коронавирусийн халдварын 70 орчим хувь нь омикрон хувилбар байна” гэлээ.