БНСУ-ын Кёнсаннамдо мужийн Янсан хотын дунд  сургуульд сурдаг 13 настай монгол охиныг дээд ангийнх нь дөрвөн эмэгтэй сурагч нийлж зургаан цагийн турш зодож, хүчээр согтууруулах ундаа уулгаж, хорьсон хэрэг гарсан. Тус хэрэгтэй холбоотойгоор БНСУ-ын Хүний эрхийн комисс, цагдаагийн байгууллагаас мөрдөн шалгалт хийсэн. Тэгвэл монгол охиныг хүчирхийлсэн хэрэгт холбогдох шүүх хурал өнөөдөр болж, монгол охиныг хүчирхийлсэн дээд ангийнх нь 14-16 насны солонгос охидод хорих ял оноохоор болжээ.

Дээрх хэрэг гарснаас хойш “Охинтой найзалдаг найзууд нь хүртэл тоохоо байж охиныг маань дээрэлхдэг болсон. Түүнээс болоод охин маань сургуульдаа явахаа ч больсон” хэмээн хохирогч охины ээж мэдээлсэн юм.