Цагдаагийн газрын 102 дугаарын шуурхай утсанд өчигдөр буюу нэгдүгээр сарын 12-ны өдрийн 17:36 цагт “Бага насны хоёр хүүхдийг үл таних этгээд хүчиндсэн” тухай дуудлага мэдээлэл иржээ. Дуудлагын дагуу НЦУГ-ын Мөрдөн шалгах газрын Хүнд гэмт хэрэгтэй тэмцэх хэлтэс, Сонгинохайрхан дүүрэг дэх цагдаагийн газрын алба хаагчид хамтран ажиллаж, хэргийг үйлдсэн этгээдийг шуурхай илрүүлж, баривчилсан байна.
Хэргийн талаар НЦЫГ-ын Мөрдөн шалгах газрын Хүнд гэмт хэрэгтэй тэмцэх хэлтсийн мөрдөгч, цагдаагийн ахлах дэслэгч Э.Төрбат “Сонгинохайрхан дүүргийн V хорооны нутаг дэвсгэрт 6-15 настай хоёр охиныг гэртээ байхад нь үл таних этгээд хүчиндсэн” гэх дуудлагаар НЦУГ-ын Мөрдөн шалгах газрын Хүнд гэмт хэрэгтэй тэмцэх хэлтэс, Сонгинохайрхан дүүрэг дэх цагдаагийн газрын алба хаагчид ажиллаж, иргэн О-г шуурхай илрүүлж, баривчилсан. Эрхэлсэн тодорхой ажилгүй 20 настай О нь охидыг хүчиндэхийг завдаж, эд зүйл тонож, дээрэмдсэнийг олж тогтоосон. Шалгалтын ажиллагааг үргэлжлүүлж байна” гэж мэдээлэв.
| Гэртээ байсан бага насны охидыг хүчирхийлэхийг завдаж, эд зүйлийг нь дээрэмдсэн этгээдийг илрүүлжээ |
|
| Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц |
| 7509-1188 |
