Шүүгч нарын хууль бус үйлдлийн талаар иргэд мэдээлэл хийлээ. Энэ үеэр иргэн Б.Хандсүрэн “Өнгөрсөн хугацаанд шударга шүүгч, цагдаа, прокурорт итгэж байлаа. Бүлэглэлийн эсрэг, монголын ард түмний баялаг болон 30 жилийн өмнө юу болсон тухай шүгэл үлээж явсан. Үүний дагуу дөрөвдүгээр сарын 9-нд хүүг минь мөрдөн байцаах тогтоолгүй хууль баривчилж, нэг хоног эрүүдэн шүүсэн. Иргэн Халиунаа, Сандагдорж нарын эрх нь зөрчигдсөн талаар тухайн үед хэвлэлийн бага хурал зарлаж, дуу хоолойгоо хүргэсэн. Хоёрдугаарт, хилс хэргээр, гуравдугаарт, үнэний дуу хоолой болсон хүний хүүхэд шударга бусын хонгилыг нураахаар явж байсан бол хууль бус бүлэглэл байдаг гэдгийг өөрийн биеэр мэдэрлээ. Хуулийн дагуу бүх мэдээллийг С. Болорчулуун өмгөөлөгч дэлгэрэнгүй мэдээлэл өгнө” гэлээ. Харин өмгөөлөгч С.Болорчулуун “Иргэн Б.Хандсүрэнгийн хэрэгт ажиллахад шүүх, хууль хяналтын байгууллагуудад процессын алдаа гарсан. Б.Хандсүрэнгийн хүүгийн гэм буруугийн шүүх хуралд гурван шүүгчийн бүрэлдэхүүнтэй оролцсон. Тус хэргийг шүүж байсан шүүгчид хурлын дундуур гарч, орох, шөнийн цагаар шүүх хурал хийх, үйлчлүүлэгчийн эцсийн үгийг хэлүүлэхгүй байх зэрэг эрхийг ноцтой зөрчсөн. Нэгдүгээрт, давж заалдах шатны шүүх хурлын гомдол гаргасан. Гэтэл хууль бус зүйлийг прокуророос гаргуулж, шүүхийн шийдвэрт засвар оруулсан. Тухайн гэмт хэрэг гуравдугаар сард гарсан гэж шүүх хурлаар тогтоогддог боловч шүүхийн шийдвэрээр наймдугаар сард гэж бичсэн байсан. Үүнд өмгөөлөгч миний бие гомдол гаргасан. Эрүүгийн хэрэг хянан шийдвэрлэх тухай хуульд гомдол өгснөөс долоо хоногийн дотор тайлбар хийх эрх зүйн үндэс байдаг. Гэтэл прокуророос шүүхийн шийдвэрт засвар оруулах санал гаргасан. Түүнийг Анхан шатны шүүх хүлээн авч шийдвэрлэсэн. Өөрөөр хэлбэл, Анхан шатны шүүх, Давж заалдах шатны шүүхийн ажлыг хийж, шүүхийн шийдвэрт засвар оруулсан. Эрүүгийн хууль болон Эрүүгийн хэрэг хянан шийдвэрлэх тухай хууль, шүүхийн шийдвэр гүйцэтгэх тухай хуулиуд бодитой хэрэгжихгүй  2-3 жишээ бий” гэв.