Кигалийн нэмэлтэд нэгдэн орох нь дэлхийн орнуудад шинэ дэвшилтэт технологи нэвтрэх, байгаль орчинд аюулгүй бодисын хэрэглээг нэмэгдүүлэх, дэлхийн дулаарлыг бууруулахад үзүүлэх нэг чухал алхам гэж дэлхийн хамтын нийгэмлэг үзжээ.

          Одоогийн байдлаар Монреалийн протоколын Кигалийн нэмэлт өөрчлөлтөд дэлхийн 126 орон нэгдээд байна. Монгол Улс олон улсын өмнө хүлээсэн үүргээ ханган дэлхийн дулаарлыг бууруулахад тодорхой хувь нэмэр оруулах зорилгоор Кигалийн нэмэлт, өөрчлөлтөд нэгдэн орохыг соёрхон батлах хуулийн төсөл боловсруулан Засгийн газрын хуралдаанаар хэлэлцүүлэн УИХ-д өргөн бариад барьжээ. Монреалийн протоколын Кигалийн нэмэлт өөрчлөлтийг соёрхон батлах тухай хуулийн төслийг Байгаль орчин, аялал жуулчлалын сайд Н.Уртнасан УИХ-д танилцуулсан бөгөөд энэ үеэрээ Озоны үе давхаргыг задалдаг бодисын тухай онцлох ярьсан юм.