Увс аймгийн Улаангом суманд амьдардаг аймгийн начин Т энэ сарын 10-нд нас баржээ. Энэ талаар албаны эх сурвалжаас тодруулахад “Талийгаач даваа гарагт 20:00 цагийн үед бэлтгэл хийж байгаад ухаан алдаж, аймгийн Нэгдсэн эмнэлэгт хүргэгдсэн юм билээ. Түүний зүрх зогссон байсан учир эмчийн тусламж авч чадаагүй юм. Түүний цогцост задлан шинжилгээ хийж байгаа. Тэрээр 2010 оноос хойш бэлтгэл хийж байсан. Хоёр удаа коронавирусийн халдвараар өвчилсөн. Түүний гэнэт нас барах болсон шалтгаан нь коронавирусийн халдвартай холбоотой байж болзошгүй. Өнөөдөр манай аймгийн Өмнөговь суманд бөхийн барилдаан болох байсан. Тус барилдаан хойшлогдсон. Саяхан манай аймгийн хоёр иргэн гэнэт нас барсан. Тэд мөн коронавирусийн халдвараар өвчилж байсан” гэв.