Насанд хүрээгүй охидыг цахим сүлжээгээр дамжуулан хүчээр биеийг нь үнэлүүлж байсан бүлэг этгээдийг баривчилжээ. Тодруулбал, өнөөдөр насанд хүрээгүй охидыг хүчээр биеийг нь үнэлүүлж байгаа мэдээллийн дагуу Эрүүгийн цагдаагийн албаны зохион байгуулалттай гэмт бүлэг, Хүн худалдаалах гэмт хэрэгтэй тэмцэх хэлтсээс шуурхай ажиллагаа зохион байгуулж, бүлэг этгээдүүд өнгөрсөн оны есдүгээр сараас эхлэн 14-16 насны насанд хүрээгүй охидыг хүчээр биеийг нь үнэлүүлж, цахим сүлжээнд зар байршуулан худалдддаг байсныг газар дээр нь илрүүлсэн байна.

           Хэргийн талаар Эрүүгийн цагдаагийн албаны мөрдөгч, цагдаагийн ахмад А.Уугантуяа “2021 оны есдүгээр сараас эхлэн бусадтай бүлэглэн 14-16 насны насанд хүрээгүй охидыг хүчээр биеийг нь үнэлүүлэх, хүн худалдаалах гэмт хэрэг хэрэг үйлддэг байсан этгээдүүдийг Эрүүгийн цагдаагийн албаны зохион байгуулалттай гэмт бүлэг, Хүн худалдаалах гэмт хэрэгтэй тэмцэх хэлтсээс шуурхай ажиллагаа зохион байгуулж, гэмт этгээдүүдийг хохирогчдыг байршуулж байсан газраас нь баривчилж, шалгалтын ажиллагааг үргэлжлүүлж байна” гэж мэдээлсэн юм.