Шадар сайд С.Амарсайхан бараа тээвэрлэлтийн талаар мэдээлэл өглөө.

 Тэрбээр "Бид Хятадын талтай ярьж тохирсноор Замын-Үүдэд өнөөдрөөс эхлэн чингэлэг тээврийн ажил эхэлж байна. Мөн энд олон жолооч бүргэлтэй байх бөгөөд тэд олон сар ажилтай ажилгүй, орлоготой, орлогогүй нөхцөлд байгаа. Тиймээс жолоочдынхоо оролцоог хангах, хамтарч хяналт зохион байгуулалтаа хийх, ямар нэгэн үл ойлголцол эрсдэл үүсгэхгүйгээр тээврийн ажлыг тасралтгүйгээр явуулах тал дээр анхаарч ажиллаж байна. Энэ хүрээнд тодорхой ажлыг үе шаттайгаар зохион байгуулна. Бидний нэн түрүүнд хийх хамгийн чухал ажил бол Хятад Улсаас орж ирж байгаа барааг жигдрүүлж, хэвийн явуулах, үнэ өртөгтэй холбоотой асуудлыг шийдвэрлэх юм. Мөн ариутгал, халдваргүйтгэл гээд Замын-Үүдэд зохион байгуулах үйл ажиллагааг шат дараатайгаар явуулахаар Хятад Улсын талтай ярьж байна" гэв.